New Home

Հաճախակի տրվող հարցեր

Որքա՞ն ժամանակ է գործում Ձեր կազմակերպությունը:

NEW HOME ՍՊԸ-ն հիմնադրվել է 2019թ-ին, սակայն ընկերության հիմնադիրը և մասնագիտական հիմնական կազմը կառուցապատման ոլորտում ակտիվ գործունեություն են ծավալում 2015թ-ից:

Ի՞նչ վիճակով են հանձնվում բնակարանները:

Բնակարանները հանձնվում են գաջած պատերով, հատակի ցեմենտ–ավազե հարթեցնող շերտով և բաժանված պատերով, պատուհանները և դրսի դուռը տեղադրված, հոսանքի լարերը մոնտաժված, կոմունիկացիաները անցկացված:

Հնարավոր է նաև բնակարանի հանձնում «под ключ»` ամբողջովին վերանորոգված և կահավորված վիճակով: Այս դեպքում ինտերիերի դիզայնը ու նյութերը մեր մասնագետները համաձայնեցնում են հաճախորդի հետ

Ինձ դուր եկան ձեր աշխատանքները, սակայն ես իմ նախընտրած նախագիծը չգտա, կարո՞ղ եք ինչ- որ բան առաջարկել:

Մենք ունենք գործող նախագծեր, սակայն բաց ենք նաև անհատական պատվերների համար: Եթե Դուք ունեք հողատարածք, որի վրա ցանկանում եք տուն կառուցել, մեր ճարտարապետական թիմը կստեղծի հատուկ Ձեզ հարմարեցված նախագիծ և մեր հմուտ շինարարական թիմը կյանքի կկոչի ամենահանդուգն մտահղացումները:

Որքա՞ն կտևի սեփական տան շինարարությունը:

Շինարարության իրականացման արագության վրա ազդում են բազմաթիվ գործոններ`կառուցապատման մակերեսը, տան չափսերն ու օգտագործվող նյութերը, բյուջեն, հողատարածքի տեղակայումն ու որակական հատկանիշները, թղթաբանության տեսանկյունից` բյուրոկրատական օղակների աշխատանքը, ինչպես նաև եղանակային պայմանները: Այս հարցին 90% ճշգրտությամբ կկարողանանք պատասխանել կոնկրետ նախագիծն ընտրելուց և ճարտարապետական առաջադրանք ստանալուց հետո:

Կարո՞ղ եք տրամադրել նախնական տեղեկատվություն արժեքների վերաբերյալ:

Շինարարության արժեքը կախված է տան բազմաթիվ ճարտարապետական և նախագծային առանձնահատկություններից, օգտագործվող նյութերից և շինարարական գործընթացի կազմակերպումից: Տան կառուցման արժեքը միշտ հաշվարկվում է անհատապես՝ նախագծի հիման վրա` կախված նախագծի ծավալից և տան կոնֆիգուրացիայից:

Ինչպիսի՞ ծառայություններ եք մատուցում:

Մեր հաճախորդների, ինչպես նաև գործընկերների կողմից մեծ պահանջարկով պայմանավորված` մենք իրականացնում ենք աշխատանքները նախագծումից մինչև շինարարության ավարտ` ներգրավված լինելով շինարարության ամբողջական ցիկլում:

Արդեն որերորդ տարին է մենք առաջարկում ենք շինարարական ծառայությունների կոմպլեքս` բնակվելու համար լիովին պատրաստի բնակարանների և առանձնատների նախագծումից սկսած և ինժեներական կոմունիկացիաներով ու լանդշաֆտային դիզայնով վերջացրած:

Ի՞նչ կարգ է գործում նորակառույց բազմաբնակարան շենքում բնակարաններ ձեռք բերելու համար:

Բնակարան ամրագրելիս պայմանագիր է կնքվում, ըստ որի՝ վճարում եք բնակարանի արժեքի 10%-ը, որից հետո բնակարանը հանվում է վաճառքից և հատկացվում է Ձեզ։ Այնուհետև կառուցապատողի հետ կնքվում է հիմնական` գնման իրավունքի ձեռք բերման պայմանագիրը, որում արդեն նշվում է գույքի ձեռք բերման արժեքն ու վճարման ժամանակացույցը: Հաջորդիվ սպասում եք շենքի շահագործման հանձնելուն և սեփականության իրավունքի փոխանցման ակտ կնքելու հրավերին։:

Եթե համացանցի նկար ցույց տամ, կկարողանա՞ք նման տուն կառուցել:

Ապագա տան կառուցման համար, որպեսզի կյանքի կոչվի այն ամենը, ինչ մտածված էր, անհրաժեշտ է գրագետ և ճշգրիտ նախագիծ: Մեր ճարտարապետների, նախագծողների և կոնստրուկտորների թիմը կստեղծի և կգծագրի Ձեր ապագա տան նախագիծը: Այս աշխատանքը ժամանակատար է, սակայն պետք է ըմբռնումով մոտենալ` այս փաստաթղթից է կախված լինելու տան գեղեցկությունը, ֆունկցիոնալությունը և հարմարավետությունը: Մեր հաճախորդների համար տների նախագծումն անվճար է` շինարարական պայմանագիր կնքելիս նախագիծը նվիրում ենք։

Ինչպե՞ս կարող եմ դառնալ ձեր հաճախորդը և տուն պատվիրել:

Դիմում եք մեզ, միասին ընտրում ենք նախագիծ (եթե Դուք ունեք նախընտրած տարբերակ` ներկայացնում եք այն): Հարցմանն համապատասխան մենք կատարում ենք հաշվարկներ, վերջնական նախագիծն ուղակում ենք Ձեզ հաստատման և կնքում շինարարական պայմանագիր՝ նշելով ժամկետները։

Պայմանագիր կնքելիս կանխավճար պահանջվու՞մ է։

Յուրաքանչյուր գործարքի համար կնքվում է պայմանագիր, որում նշվում է վճարման ժամանակացույցը, այդ թվում կանխավճարի չափը: Վճարումը կատարվում է փուլերով. շինարարության արժեքը բաժանված է 3-4 մասի՝ կախված շինարարության փուլերից։ Բոլոր փուլերը նշվում են պայմանագրում: Սակայն մենք ճկուն ենք այս հարցում և պատրաստակամ ընդառաջ գնալու մեր հաճախորդներին:

NEW HOME

Բացման ժամ

Զանգահարեք մեզ

Էլեկտրոնային հասցե

Մեր մասին

10+ Տարիների փորձ

109

201

204

5

Գրասենյակային կապ

Օգտակար էջեր